«Վրացիներին կարող են հաղթել միայն վրացիները, բայց ես համոզված եմ, որ դա տեղի չի ունենա երկար տարիներ, քանի որ մենք զգացել ենք պետության համը, տնտեսական առաջնթացի համը»,- երեքշաբթի օրը գործարարների հետ հանդիպման ժամանակ ասել է Վրաստանի նախագահ Միխաիլ Սահակաշվիլին: Նա կոչ է արել չթույլատրել հասարակության պառակտումը: Սակայն այս ելույթից զգացվում էր, որ Մ.Սահակաշվիլու վիճակը ծանր է: Նա նշել է, որ օգոստոսյան իրադարձություններից հետո «ողջ աշխարհը պաշտպանում է Վրաստանին, բայց ամրոցը փլվում է ներսից»: