Մարտի 1-10-ը Երեւանում անցկացված Հայաստանի Հանրապետության պատանիների եւ աղջիկների կիսաեզրափակիչ առաջնությանը մասնակցել են նաեւ Ղարաբաղի մի խումբ շախմատիստներ, ովքեր ավելի վաղ ԼՂՀ առաջնությունում իրենց տարիքային խմբերում գրավել էին առաջին տեղերը: Ինչպես մեզ այսօր հայտնի դարձավ Ղարաբաղի պատանի շախմատիստներից երկուսը հաջող են հանդես եկել ՀՀ կիսաեզրափակիչ առաջնությունում. մինչեւ 18 տարեկանների խմբում Կամո Ուլուբաբյանը 9 հնարավորից վաստակել է 7.5 միավոր, իսկ մինչեւ 16 տարեկանների խմբում Մհեր Հայրապետյանը վաստակել է 5.5 միավոր: Այս երկու շախմատիստներն էլ նվաճել են ՀՀ պատանիների եզրափակիչ առաջնությանը մասնակցելու իրավունք: