Տեսանյութեր
Լուսանկարներ
Ադրբեջանական զինուժը, պատասխան ստանալով, ստիպված լռել է
Մարտի 11-ի լույս 12-ի գիշերը և այսօրվա ընթացքում ղարաբաղա-ադրբեջանական զորքերի շփման գոտու մի շարք հատվածներում արձանագրվել են հրադադարի ռեժիմի խախտման դեպքեր: Հակառակորդը փոքր տրամաչափի հրաձգային զենքերից և դիպուկահար հրացաններից գնդակոծել է Քարվենդ, Աշաղը Սեյիդահմեդլի, Կարախանբեյլի, Աշաղը Վեյսալի, Կուրոպատկինո, Սեյսուլան, Լևոնարխ, Կարմիրավան և Յարմջա ուղղություններում տեղակայված ղարաբաղյան դիրքապահների հենակետերը: Այս մասին տեղեկացնում է ԼՂՀ պաշտպանության նախարարության մամուլի ծառայությունը:
Պաշտպանության բանակի առաջապահ ստորաբաժանումների ձեռնարկած պատասխան գործողություններից հետո հակառակորդը լռել է: Ադրբեջանական զինուժի հրադադարի ռեժիմի խախտման արդյունքում ղարաբաղյան կողմը կորուստներ չի ունեցել:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել