ԱրմՌոբոտիքսը կմասնակցի ԱՊՀ երկրների երիտասարդ ավիանախագծողների ցուցահանդեսին
Հայաստանի ռոբոտների բաց առաջնությունը (ԱրմՌոբոտիքս) կմասնակցի «ԱՊՀ ավիացիայի և տիեզերագնացության ապագան» ԱՊՀ երկրների երիտասարդ ավիանախագծողների ցուցահանդեսին: Այն տեղի կունենա Ռուսաստանում օգոստոսի 16-21 Միջազգային ավիատիեզերական սալոնի շրջանակում:
Ցուցահանդեսին մասնակցելու նպատակն է Հայաստանը ներկայացնել որպես ինժեներական և տեխնոլոգիական առաջատար երկիր ԱՊՀ տարածքում, ինչպես նաև համագործակցել ու փորձ փոխանակել ինժեներական նախագծմամբ զբաղվող անհատների և երիտասարդական կազմակերպությունների հետ:
Ինֆորմացիոն տեխնոլոգիաների ձեռնարկությունների միությունը, 2008թ. սկսած, կազմակերպում է Հայաստանի ռոբոտների բաց առաջնությունը, որը ներառում է ԱրմՌոբոտիքս մրցույթները, ակումբը և դպրոցական խմբակները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել