Ընդմիջումից հետո, երբ պաշտպանական կողմը ստացել և ծանոթացել է դատախազության հրամանին, պարզ է դարձել, որ «Յոթի գործ»-ում ոչ թե 43, այլ 44 հատոր կա: Լիպարիտ Սիմոնյանը պարզաբանում պահանջեց, թե ինչու իրենց տեղյակ չեն պահել ևս մեկ հատորի գոյության մասին: Դատավոր Մնացական Մարտիրոսյանը բացատերց, որ այդ հատորում միայն միջնորդությունների, ցուցմունքների, և նման կարգի այլ փաստաթղթերի արձանագրություններն են: Սակայն Ալ. Արզումանյանի պաշտպանը նշեց, որ այս պարագայում խախտվել է իրենց` գործին ծանոթանալու իրավունքը և միջնորդեց դատական նիստը հետաձգել, պաշտպանական կողմին տրամադրել 44-րդ հատորը, և ժամանակ տալ ծանոթանալու այդ նյութերին, որից կարող են բխել նոր ինքնաբացարկի կամ բացարկի միջնոդություններ: Մինչդեռ դատավորը ընդամենը մեկ ժամ ընդմիջում հայտարարեց վերջին հատորի նյութերին ծանոթանալու և մեղադրողների բացարկ ներկայացնելու միջնորդությունը պատրաստելու համար: