Տեսանյութեր
Լուսանկարներ
Համակարգիչներ` Ստեփանակերտի գիշերօթիկ հաստատությանը
Ստեփանակերտի երեխաների խնամքի եւ պաշտպանության թիվ մեկ գիշերօթիկ հաստատությանն օրերս թվով 6 համակարգիչ` իրենց աքսեսուարներով նվիրեցին մոսկվաբնակ մեր հայրենակիցներ` քույր եւ եղբայր Օլգա եւ Արտյոմ Պողոսյանները, որոնք «ՄԻԳ» ռուսական ինքնաթիռաշինարարական կորպորացիայի եւ «Սուխոյ» ավիացիոն հոլդինգի գլխավոր տնօրեն Միքայել Պողոսյանի զավակներն են:
Նվիրատվությունը գիշերօթիկ հաստատության սաներին հանձնեց Պողոսյանների գերդաստանի ներկայացուցիչ Ռոման Ռամազանովը: Նրա հավաստմամբ, նվիրատվությունը վերջինը չի լինի, «մոտ ապագայում ուրիշ անակնկալներ նույնպես սպասվում են Ստեփանակերտի երեխաներին»:
Գիշերօթիկում այսուհետ կգործի համակարգչային դասարան, որտեղ դպրոցի 35 երեխաները հնարավորություն կունենան ծանոթանալ եւ տիրապետել համակարգչային տեխնիկային:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել