Համաձայն ԼՂՀ պաշտպանության նախարարության մամուլի ծառայության տարածած հաղորդագրության, ապրիլի 11-ից 12-ը և այսօրվա ընթացքում  ղարաբաղա-ադրբեջանական զորքերի շփման գոտու  մի շարք  հատվածներում  արձանագրվել են  հրադադարի ռեժիմի խախտման դեպքեր: Հակառակորդը փոքր տրամաչափի հրաձգային զենքերից և դիպուկահար հրացաններից գնդակոծել է Մեհդիլի, Հորադիզ, Կուրոպատկինո, Չեյլի, Էթյեմազլի, Կարմիրավան և Սեյսուլան ուղղություններում  տեղակայված ղարաբաղյան դիրքապահների հենակետերը: Պաշտպանության բանակի առաջապահ ստորաբաժանումների ձեռնարկած պատասխան գործողություններից հետո հակառակորդը լռել է: Մամուլի ծառայության տարածած հաղորդագրության մեջ նշվում է նաեւ, որ համաձայն 2009թ. բանակային տարվա պատրաստության պլանի, այսօր` ապրիլի 13-ին,  Պաշտպանության բանակում մեկնարկել է օպերատիվ- մարտավարական զորավարժություն: