Այսօր Ստեփանակերտի տաքսիսիտների մի խումբ` մոտ  60-70 հոգի մայրաքաղաքի կենտրոնում հավաքվել էին իրենց բողոքն արտահայտելու  2008թ. մայիսին կառավարության կողմից հաստատված  տաքսի ավտոմոբիլներով ուղեւորափոխադրումների կազմակերպման լիցենզավորման կարգի վերաբերյալ: Մեր տեղեկություններով, տաքսիստները բողոքում են նոր կարգի մի շարք պահանջներից` սկսած տաքսոմետրի, նոր` դեղին համարանիշների տեղադրումից մինչեւ մեքենաների վրա պարտադիր տաքսու նշանների առկայություն: Կառավարությանն առընթեր արտադրական ենթակառուցվածքների վարչության տրանսպորտի բաժնի պետ Տիգրան Գաբրիելյանի հավաստմամբ, տաքսիստներից մի քանի հոգի էլ այցելել են բաժին, որտեղ խոստացվել է, որ նրանց բողոքները կուսումնասիրվեն եւ պատասխան կտրվեն: