Շուշիի քաղաքապետի պաշտոնի համար մղվող պայքարից դուրս մնաց նաեւ երկրորդ թեկնածուն` Զորիկ Հակոբյանը, որը մոտ կես ժամ առաջ ինքնաբացարկի դիմում է ներկայացրել Շուշիի տարածքային ընտրական հանձնաժողով: Զորիկ Հակոբյանը մեզ հետ ունեցած հեռախոսազրույցի ժամանակ ինքնաբացարկի որոշումը հետեւյալ կերպ պատճառաբանեց. «Ընտրողների հետ հանդիպման ժամանակ ես զգացել եմ, որ շանս չունեմ, դրա համար հանել եմ թեկնածությունս: Զգացել եմ, որ ժողովուրդը եւ իշխանությունները գտել են, որ արժանի թեկնածու կա, որը Կարեն Ավագիմյանն է»: Հիշեցնենք, որ պայքարում մնացել են երկու հոգի` Ալբերտ Խաչատրյանը եւ Կարեն Ավագիմյանը: