Որքան էլ իշխանական քարոզչամեքենան՝ հանձին հեռուստատեսությունների, փորձի ներկայացնել, որ զինդատախազ Գեւորգ Կոստանյանն աշխատում է, անաչառ քննություն է կատարում եւ անգամ Եվրադատարանում մեր երկրի շահերն է հասցնում ներկայացնել, զինդատախազությունում դժգոհությունները նրանից աճում են: Քննիչները ասում են, որ նա կոպիտ է, անհարկի վիրավորում է իր հոր տարիքի աշխատողներին, սխալ ցուցումներ է տալիս: Խոսում են, որ զինդատախազի պաշտոնը զբաղեցնող անձը պետք է անպայման «շկոլա» անցած լինի՝ շարքային քննիչից մինչեւ զինդատախազ, հակառակ պարագայում ոչնչից գլուխ չի հանի: Դա է պատճառը, որ Կոստանյանի օրոք գրեթե ոչ մի գործ լիարժեք չի բացահայտվում, եւ դժգոհություններ կան ինչպես քրգործերով անցնող կողմերից, այնպես էլ դատախազ-քննիչներից: