Երևանի ավագանու ընտրություններին մասնակցելու համար այսօր` ժամը 12:00-ի դրությամբ Հայաստանի Հանրապետության կենտրոնական ընտրական հանձնաժողով ավագանու անդամի թեկնածուների ընտրական ցուցակի գրանցման համար անհրաժեշտ փաստաթղթեր է ներկայացրել Հայաստանի Հանրապետական կուսակցությունը: Կուսակցության ընտրական ցուցակի 1-ին համարն է Երևանի քաղաքապետ Գագիկ Բեգլարյանը: Նրան հաջորդում է Երևան քաղաքի Ավան քաղաքային համայնքի ղեկավար Տարոն Մարգարյանը: Ցուցակի 3-րդ համարն է «ԱՍԴ» ՍՊԸ նախագծող կազմակերպության հիմնադիր-տնօրեն Հրաչ Պողոսյանը: Կուսակցության ընտրական ցուցակում ընդգրկցված անձանց թիվը 181 է: