ԼՂՀ կառավարությունն այսօր հաստատել է Եղիշեի անվան ամենամյա մրցանակաբաշխության 2008թ. արդյունքները: Գրականության բնագավառում մրցանակ է շնորհվել Էդվարդ Աթանեսյանին` «Ճշմարտությունից անդին» գրքի համար, արվեստի բնագավառում` Հրանտ Մնացականյանին` «Հաղթանակ», «Տոն Արցախում», «Հաղթական մուտք» քանդակների համար: Կինեմատոգրաֆիայի եւ հեռուստաֆիլմերի բնագավառում մրցանակը շնորհվել է Վահրամ Բալայանին` «Պատմության քառուղիներում» տեսաֆիլմի համար, հումանիտար գիտությունների բնագավառում` Կարինե Ալավերդյանին`  «Մեր բեմի վարպետները» գրքի համար: Մրցանակակիրներին պարգեւատրելու նպատակով կառավարության աշխատակազմին կհատկացվի 1 մլն դրամ: Կառավարության այսօրվա մեկ այլ որոշմամբ, ԼՂՀ-ում նոյեմբերի 26-ը այսուհետ կնշվի որպես դատախազության օր: