Տեսանյութեր
Լուսանկարներ
«Հայք». Իրարանցում
Հուսահատության մեջ հայտնված վարչախմբի ներկայացուցիչները Գագիկ Բեգլարյանի հաղթանակն ապահովելու համար դիմել են նաեւ վարսահարդարների, այլ կերպ ասած` գեղեցկության սրահների աշխատակիցների օգնությանը: Այսպես, գեղեցկության սրահներ են այցելում փողկապավոր երիտասարդներ, որոնք վարսահարդարներին եւ գեղեցկության սրահների սեփականատերերին պարտադրում են այցելուներից ստորագրություններ կորզել հօգուտ Գագիկ Բագլարյանի: Բացի ստորագրություններից, վարսահարդարները պարտավոր են նաեւ վերցնել ստորագրողների անձնագրային տվյալները: Այս ճնշումներն առաջացրել են գեղեցկության սրահների սեփականատերերի եւ հատկապես վարսահարդարների դժգոհությունը: «Մենք այցելուներ ենք կորցնում»,- ասաց նրանցից մեկը:
Ծաղկասերը
Զրոյից ցածր գտնվող իր վարկանիշը մի փոքր բարձրացնելու համար Երեւանի քաղաքապետի պաշտոնում հայտնված Գագիկ Բեգլարյանը որոշել է դիմել հոլանդական ծաղիկների օգնությանը: Երեկ քաղաքապետարանում տեղի ունեցած հերթական ասուլիսի ժամանակ փոխքաղաքապետ Վանո Վարդանյանն ասել է, թե քաղաքապետարանը Հոլանդիայից ներկրել է բարձրակարգ սերմեր: իսկ սերմերն անհրաժեշտ են ավելի քան 1000 հոլանդական ծաղիկներով քաղաքը զարդարելու համար: Մի կողմից իշխանությունները խոսում են ծախսերի կրճատման անհրաժեշտության մասին, մյուս կողմից գործը հասել է հոլանդական ծաղիկներին: Ափսոս միայն, որ Վանո Վարդանյանը չի ասել, թե որքան գումար է ծախսվելու քաղաքը հոլանդական ծաղիկներով զարդարելու համար: Դրա փոխարեն նա ասել է, թե մտադիր են ծաղիկներով զարդարել նաեւ կամուրջները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել