Հայաստանի հանրապետության պետական բուհերում այս ուսումնական տարում սովորելու հնարավորություն կունենան արցախցի 73 շրջանավարտ` 48 մասնագիտությունների գծով: Երեկ ԼՂՀ կառավարության նիստում հաստատվել են նաեւ Ղարաբաղի պետական բուհերում, նախնական եւ միջին մասնագիտական հաստատություններում 2009-2010 ուսումնական տարում հատկացվելիք մասնագիտությունների եւ տեղերի ցանկերը: Առկա եւ հեռակա ուսուցմամբ ԼՂՀ պետական բուհերում նախատեսվել է ընդհանուր առմամբ շուրջ 1830  տեղ: Արցախի պետական համալսարանի` 2009թ. ասպիրանտուրայի համար հատկացվել է 33 պետպատվերով եւ 37 վճարովի տեղ` 29 մասնագիտությունների գծով: