Ժողովրդական կուսակցության նախագահ Տիգրան Կարապետյանը այսօր Իրավունք դե ֆակտո ակումբում  արտահայտել է իր մտահոգոթյունը. «Ինչու, տղաներ, ձեր տեղերը չեք տալիս ընդդիմությանը, մենք մի տարի տեսանք` ինչպես են իրենք հսկում»: Տ. Կարապետյանը համոզված է, որ «Ժառանգության» համար դրսի ցուցումն է նշանակալի. «Մենք հասկանում ենք, որ Րաֆֆի Հովհաննիսյանը ամերիկյան պրոյեկտ է, երեք տարի դրա մասին եմ ասում, բայց ասողին լսող է պետք»: ԺԿ նախագահը գտնում է, որ «Րաֆֆի Հովհաննիսյանը չի կարող ցուցակում լինել երկրորդը կամ երրորդը, որովհետեւ իրեն պատրաստում են նախագահական ընտրություններին, եթե այսօր լինի երկրորդը, դա կտպավորվի մարդկանց մեջ»: Իսկ հանձնաժողովի տեղերն էլ կուսակցությունը ՀԱԿ-ին չի տալիս, քանի որ, ըստ Տ.Կարապետյանի, դա կլինի հակադրություն իշխանության հետ: Տիգրան Կարապետյանը, սակայն, ուրախ է, որ Րաֆֆի Հովհաննիսյանը ընտրապայքարի մաս չի կազմել. «Եթե Րաֆֆի Հովհաննիսյանը մտներ, կարող է իմ ձայները տաներ»: