«Իրավիճակի մասին խոսում են տնտեսական ցուցանիշները, անշուշտ դրա վրա ազդել է ճգնաժամը, որը ամբողջ աշխարհում է, բայց կան նաեւ, համոզված եմ, ոչ օբյեկտիվ պատճառներ»,-անդրադառնալով Հայաստանի տնտեսական վիճակին, այսօր Հայելի ակումբում ասել է ԱԺ նախկին նախագահ, պատգամավոր Տիգրան Թորոսյանը: Տիգրան Թորոսյանը քննադատաբար է մոտենում դրամի կտրուկ արժեզրկմանը եւ տարօրինակ է համարում, որ Կենտրոնական բանկը երեկոյան մի քանի տասնյակ միլիոն էժան դոլար է վաճառում, իսկ հաջորդ առավոտ հայտարարում է լողացող կուրսի մասին: Բանախոսը գտնում է, որ ճիշտ կլիներ քայլերը  սահուն կատարել. «Նման մեծ անկումը սասանեց հասարակության հավատը, վերաբերմունքը դրամի նկատմամբ: Եթե կային խնդիրներ, պետք էր դրա մասին ի սկզբանե շիտակ ասել»: Տիգրան Թորոսյանը ասել է, որ ինքը  շատ է ուզում, որ կառավարությունը հաջողություններ արձանագրի. «Սակայն ինձ համար գոնե ընթացքը լավատեսական չէ»: