Երեկ «Հայկական ժամանակի» թղթակցի հետ զրույցում Վահան Տերյանի անվան թիվ 60 դպրոցի տնօրեն Ալվարդ Առաքելյանը պատմել է, թե ինչպես են իր դպրոցի ուսուցիչները եւ անձամբ ինքը մարդկանց ցուցակագրում քաղաքապետի թեկնածու Գագիկ Բեգլարյանի համար: «Ինքս փաստացի ընտրության գնացող երեւի 150 անուն եմ գրել»,- ասել է Առաքելյանը՝ հավելելով, որ թեեւ այդ ցուցակները քաղաքապետարան ներկայացնելու վերջնաժամկետն այսօր է,սակայն ինքն ամեն ինչ անելու է, որպեսզի կարողանա ցուցակը մեկ օչր շուտ ներկայացնել: Երեկ թերթը շարունակել է բազմաթիվ ահազանգեր ստանալ Երեւանի այլ դպրոցներում ընթացող ցուցակագրումների մասին: Մասնավորապես, նման տեղեկություններ էին ստացվում Երեւանի թիվ 128, 82, 54 դպրոցներից, ինչպես նաեւթիվ 1 մանկապարտեզից, որի տնօրենը, ի դեպ, Գագիկ Բեգլարյանի եղբոր կինն է: