Երեւանի ավագանու ընտություններում ՕԵԿ ցուցակը գլխավորող Հեղինե Բիշարյանը նախօրեին հայտարարել է, թե ընտրախախտումների դեմ պայքարում ինքը կարեւորում է ընտրական հանձնաժողովների աշխատանքը, հատկապես«Ժառանգություն» կուսակցության դերը: «ՉԻ» - Հեղինե Բիշարյանի անկեղծությունը իսկապես հիացնում է: Պատկերացնո՞ւմ եք, կուսակցությունը ընտրական հանձնաժողովներում տեղեր ունի, եւ այդ կուսակցության փոխնախագահը հայտարարում է, թե հույսը դրել է մեկ այլ կուսակցության ներկայացուցիչների վրա: Մարդը, փաստորեն, պարզ ասում է՝ ոչ մեր կուսակցությունը, ոչ կոալիցիոն մյուս ուժերը ընտրակեղծիքների դեմ չեն պայքարելու, թե մի բան արեց՝ էլի «Ժառանգությունը» պիտի անի: Իսկ ինչո՞ւ է ՕԵԿ ներկայացուցիչն այդքան անկեղծանում՝ որովհետեւ ՕԵԿ-ականները, եթե ՀՀԿ-ի թեկնածուի օգտին չկեղծեն էլ, նրանց կեղծիքների դեմ չեն համարձակվելու ծտպուն հանել, իսկ ՀՀԿ-ն «ձեռքի հետ» նաեւ ՕԵԿ-ից է ձայնել տանելու: Դրա համար էլ տիկին Բիշարյանը հույս ունի, որ «Ժառանգությունը» կպայքարի ընտրակեղծիքների դեմ, եւ դրանից նաեւ ՕԵԿ-ը կշահի: Ըստ երեւույթին, ամեն ինչ այդպես էլ կլինի: