Թուրքական «Hurriyet» պարբերականը հրապարակել է անանուն դիվանագետի պնդումները, թե պաշտոնական Անկարան  եւ Երեւանը համաձայնություն են ձեռք բերել «պատմական համերաշխության հիմնական չափորոշիչների վերաբերյալ» գաղտնի բանակցությունների ընթացքում, ինչը ենթադրում է սահմանի բացում: Իսկ «Euronews»-ը, հղում անելով Եվրոմիության բարձրաստիճան չինովնիկներին, վստահեցնում է, որ ճշտված են անգամ ապաշրջափակման ժամկետները` ապրելի 6-ին ծրագրված ԱՄՆ նախագահի Թուրքիա այցից հետո: ՀՀ ԱԳՆ-ն հերքել է սահմանը բացելու մասին պայմանավորվածության լուրերը: