Թերթի տեղեկություններով` իրականում անտրամաբանական թվացող Կառավարության այն տրամաբանությունը, որ բյուջետային ծախսերը հետաձգվում են եւ դրվում տարվա վերջին եռամսյակի վրա, կուտակելով պարտքային մեծ ռիսկեր, իր խորքում միանգամայն տրամաբանված է եւ հասկանալի: Այդպիսով վարչապետ Տիգրան Սարգսյանը մի կողմից պատրաստվում է իր փոփոխությանը, մյուս կողմից փորձում է կանխել այդ փոփոխությունը: Եթե վարչապետը փոխվի, ապա Տիգրան Սարգսյանը նրան այնպիսի ծանր չորրորդ եռամսյակ կկտակի, որ նոր վարչապետը ուղղակի չի կարող այդ ծախսերի տակից դուրս գալ: Սակայն այդ ամենից զատ, ելնելով այդ հեռանկարից, հազվի թե որեւէ մեկը համարձակվի վարչապետ աշխատել նման մեծ ռիսկերի պայմաններում, ինչն էլ Տիգրան Սարգսյանին հնարավորություն կտա մի քիչ էլ վարչապետ մնալ, ելնելով այն բանից, որ իր տեղը ցանկացողներ ուղղակի կարող են չլինել: