Թերթի տեղեկություններով, եթե մինչ այժմ ընտրություններով զբաղվում էին դպրոցները, մանկապարտեզները, թաղապետարաններին կից սոցիալական ծառայությունները, ապա այժմ բանը հասել է քաղաքաի վարսավիրանոցներին: Իսկ ԿԸՀ-ում ՀԱԿ-ի լիազոր ներկայացուցչի` պատվական Հովակիմյանի խոսքով` առայժմ միայն բանավոր տեղեկությունների տեսքով են իրենք ահազանգեր ստանում, եւ դրանց հիմնական մասը Նորքի զանգվածից է, Երրորդ մասից, Ներքին Չարբախից եւ Հարավ-արեւմտյան թաղամասից: Այստեղ, ըստ մեր տեղեկությունների, Հակոբ Հակոբյանի փոխարեն հիմա հարցեր լուծող Սամվել Ալեքսանյանը մի քանի ամիս առաջ կազմակերպել է թաղային հեղինակությունների եւ Բեգլարյանի հանդիպումը: Իսկ դպրոցներից հիմա ամենաակտիվը Հարավ-արեւմտյան թաղամասի 11-րդ դպրոցի տնօրեն Ռուզան Ազիզյանն է, որի դպրոցում 2008 թ. փետրվարի 19-ին ընտրական միջադեպ տեղի ունեցավ` առեւանգել էին հանձնաժողովի անդամներին: