«Հարավկովկասյան երկաթուղի» ՓԲԸ կողմից վրացական երկաթուղու հետ համատեղ անցկացված աշխատանքների արդյունքում 2009 թ. ապրիլի 1-ից Կարմիր Բլուր-Փոթի-Կարմիր Բլուր հաղորդակցությունում բարձված բեռնարկղների փոխադրման հաշվարկը կկատարվի թափանցիկ սակագնային դրույքով` 1 կոնտ-կմ համար 0,48 շվեց. ֆրանկ (300 ԱՄՆ դոլլար) ինչպես Հայաստանի, այնպես էլ Վրաստանի տարածքում: Ընկերության մամլո ծառայության փոխանցմամբ` որոշումն ընդունվել է արտահանման-ներկրման հաղորդակցությունում բեռնային հոսքի ներգրավման նպատակով, այդ թվում` այլընտրանքային տրանսպորտից: «Հուսով ենք, սակագների իջեցումը թույլ կտա ավելացնել բեռնարկղային փոխադրումների ծավալները և կստեղծի կայուն հիմք` հարակից ճանապարհների հետ թափանցիկ աշխատանքների հետագա զարգացման համար,- նշել է «Հարավկովկասյան երկաթուղի» ՓԲԸ Ֆիրմային տրանսպորտային սպասարկման ճանապարհային կենտրոնի պետ Իլյա Կելպերիսը եւ ավելացրել,- սակագների իջեցումը նաև թույլ կտա ապահովել երկաթուղային բաղադրամասով թափանցիկությունը փոխադրման արժեքում` տրանսպորտային մի քանի միջոցների կիրառման ժամանակ»: