Սերժ Սարգսյանը հրամանագիր է ստորագրել բնական գիտությունների բնագավառում ունեցած ակնառու նվաճումների, երկարամյա եւ բեղմնավոր գիտական գործունեության համար Հայաստանի գիտությունների ազգային ակադեմիայի եւ Ռուսաստանի Դաշնության գիտությունների ակադեմիայի ակադեմիկոս Արմեն Թախտանջյանին Սուրբ Մեսրոպ Մաշտոցի շքանշանով պարգեւատրելու մասին: Նախագահի մամլո ծառայության հաղորդմամբ` Երգիծանքի ասպարեզում ներդրած նշանակալի ավանդի համար, ինչպես նաեւ Երգիծանքի եւ հումորի օրվա առթիվ Սերժ Սարգսյանը հրամանագրով Վաստակավոր նկարչի պատվավոր կոչում է շնորհվել ծաղրանկարիչներ Վլադիմիր Աբրոյանին եւ Գեորգի Յարալյանին, իսկ գրող-երգիծաբան Հրանտ Ղազարյանն (ՀՈՐԻԶՈՆ) արժանացել է մշակույթի վաստակավոր գործչի կոչմանը: