Այսօր Էջմիածնի Խ.Աբովյանի անվան թիվ 4 միջնակարգ դպրոցի բարձր դասարանցիների միջև ծագած վիճաբանությունն արյունոտ ավարտ է ունեցել: 11-րդ դասարանի աշակերտ Հակոբ Քեսաբյանն իր մետ եղած  դանակով հարվածել է համադասարանցի, 1992թ թ. ծնված Ալիկ Գումբալյանի պարանոցին` պատճառելով նրան մարմնական վնասվածքներ: Անչափահաս տուժողին տեղափոխել են Էջմիածնի հիվանդանոց: Ներկայում գտնվում է վերակենդանացման բաժանմունքում` բժիշկների հսկողության տակ: «Վաղարշապատ հիվանդանոց ՊՓԲԸ գլխավոր բժիշկ Վաչագան Մկրտչյանը Ա.ումբալյանի վիճակը բավարար գնահատելով ասաց, որ ստացած վերքը մակերեսային է, չթափանցող: Դանակահարության փաստի առիթով Էջմիածնի ոստիկանությունում նախապատրաստվել են նյութեր, ընթանում է նախաքննություն: Հայկուշ Ասլանյան