ԼՂՀ Նախագահ Բակո Սահակյանն այսօր այցելել է մայրաքաղաք Ստեփանակերտում կառուցվող Աստվածամոր Սուրբ Հովանի Մայր տաճարի շինհրապարակ եւ ծանոթացել այնտեղ իրականացվող աշխատանքների ընթացքին: Երկրի ղեկավարը կարեւորել է  տաճարի կառուցումը եւ նրա դերը ինչպես հանրապետության հոգեւոր կյանքում, այնպես էլ մայրաքաղաքի ճարտարապետական տեսքին նոր ոճ հաղորդելու գործում: Նախագահին ուղեկցում էին Հայ առաքելական եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը եւ պաշտոնատար այլ անձինք: Այս մասին հայտնում է ԼՂՀ նախագահի աշխատակազմի տեղեկատվության գլխավոր վարչությունը: