Ապրիլի 6-7-ը ՀՀ ԱԳ նախարար Էդվարդ Նալբանդյանը ՄԱԿ-ի հովանու ներքո անցկացվող «Քաղաքակրթությունների դաշինք» 2-րդ ֆորումին մասնակցելու նպատակով կայցելի Ստամբուլ: «Քաղաքակրթությունների դաշինք» ֆորումի նպատակն է զարգացնել միջմշակութային փոխըմբռնումը եւ համագործակցությունը: Դաշինքի առաջին ֆորումը տեղի է ունեցել 2008 թ. հունվարին Մադրիդում: Ստամբուլում կայանալիք համաժողովին կմասնակցեն 3 տասնյակ պետությունների բարձրաստիճան ներկայացուցիչներ` նախագահներ, վարչապետներ եւ արտգործնախարարներ: