Երեկ Ղուկասավան գյուղի տարածքով անցնող ջրատարի մեջ իրավապահները հայտնաբերել են 45-50 տարեկան տղամարդու դիակ: Արտաքին զննությամբ դիակի վրա բռնության հետքեր չեն հայտնաբերվել, սակայն դատաբժշկական փորձաքննության արդյունքում դիակի գլխի մասում հայտնաբերվել են բութ գործիքից ստացած հարվածի հետքեր: «Փաստի առթիվ Մասիսի քննչական բաժանմունքում Քրեական օրենսգրքի 104 հոդվածի («Սպանություն») հատկանիշներով հարուցվել է քրեական գործ: Ձեռնարկվում են միջոցառումներ` դեպքի հանգամանքները եւ դիակի ինքնությունը պարզելու ուղղությամբ»,- փոխանցում է ոստիկանության մամլո գրասենյակը: