Այսօր գումարված արտահերթ նիստի ընթացքում ՀՀ կենտրոնական ընտրական հանձնաժողովը, ղեկավարվելով ՀՀ ընտրական օրենսգրքի 41-րդ հոդվածի 1-ին մասով, 166-րդ հոդվածով և 167-րդ հոդվածի 6-րդ մասով, կազմավորեց 41 ընտրատարածքային ընտրական հանձնաժողովները` 6 տարի ժամկետով:

Կենտրոնական ընտրական հանձնաժողովը, պահպանելով գենդերային հավասարության չափանիշը, 17 ընտրատարածքային ընտրական հանձնաժողովներում միաձայն նշանակեց կազմերը ամբողջությամբ, 24 ընտրատարածքային ընտրական հանձնաժողովների կազմերը ընտրվեցին նախապատվության քվեակարգով:

ԿԸՀ մամլո ծառայությունը տեղեկացնում է, որ օգոստոսի 16-ին` ժամը 12.00-ին, կգումարվեն ընտրատարածքային ընտրական հանձնաժողովների առաջին նիստերը, որոնց ընթացքում կընտրվեն հանձնաժողովների նախագահներ, հանձնաժողովների նախագահների տեղակալներ և հանձնաժողովների քարտուղարներ: