«Հրապարակ». Պարոն Հայրապետյանը չի
ՀՀ ԱԺ պատգամավոր, ՀՖՖ նախագահ, գործարար Ռուբեն Հայրապետյանին պատկանող Ավան թաղամասի «Հարսնաքար» ռեստորանային համալիրում օգոստոսի 14-ին տեղի է ունեցել միջադեպ. Հնչել են կրակոցներ, երկու հոգի ստացել է հրազենային վնասվածքներ: Ըստ մամուլում շրջանառվով լուրերի` բախվել են Ռուբեն Հայրապետյանի և Սաշիկ Սարգսյանի թիկնապահները: Վիրավորները` 1978թ. ծնված Նորիկ Աթոյանը, հիշատակվում է որպես Սաշիկ Սարգսյանի թիկնապահ, և 1986 թվականին ծնված Հերսանդ Մկրտչյանը`Ռուբեն Հայրապետյանի թիկնապահ:
Այս մասին փորձեցինք մեկնաբանություն ստանալ Ռուբեն Հայրապետյանից, սակայն նրա հեռախոսին ոչ ոք չէր պատասխանում, այնուհետև ինչ-որ մեկը պատասխանեց և Ռուբեն Հայրապետյանի ձայնով ասաց, թե Հայրապետյանը չէ` իր աշխատողներից է, հիմա իր հետ չենք կարող կապվել: Հարցրինք` ե՞րբ կարող ենք կապվել, ասաց` ի՞նչ իմանամ:
«Հարսնաքար» ռեստորանային համալիրի երկու հեռախոսահամարներն էլ ողջ օրը չէին պատասխանում զանգերին: Երեկ ՀՀ ֆոտբուլի ֆեդերացիայում հարաբերական անդորր էր, շենքում միայն պահակն էր, վերջինս ազատ ոճի մեջ էր, ոչ մեկին չէր սպասում և լրագրող տեսնելով ասաց, որ ոչ աշխատանքային օր է, ու շենքում մարդ չկա:
Մեկնաբանել