Հանրությունը դեռ չէր հասցրել ուշքի գալ այն հանգամանքից, որ ՀՀԿ համամասնական ցուցակի թիվ 43-ը սպանել է թիվ 101-ին, ստացվեց զարմանալի տեղեկատվություն, որ հրաժարական է տվել ցուցակի 180-րդ հորիզոնականը զբաղեցնող Երվանդ Ասատրյանը:

Դե ինչ, եթե այդ տեմպով շարունակի, ապա դժվար է ասել, թե մինչ ընտրությունների օրը ինչ է մնալու ՀՀԿ համամասնական ցուցակից. աստված մի արասցե, մի մասը մյուսին կբնաջնջի, ոմանք էլ, շառից փորձանքից հեռու, ցուցակից դուրս կգան: Զարմանալով հանդերձ` մնում է արձանագրել, որ ժամանակն է շատ կտրուկ միջոցներ ձեռնարկել քաղաքականամերձ քրեական տարրերի նկատմամբ: