Ընթացիկ  տարի ՀՀ կառավարության «Վարձատրվող հասարակական աշխատանքներ» ծրագրով Սյունիքի մարզին կտրամադրվի 97 մլն 133 հազար դրամ: «Զբաղվածության աջակցության Սյունիքի մարզային հանձնաժողովի» որոշմամբ, մարզի քաղաքային համայնքներում կիրականացվեն մոտ 47 մլն դրամի ենթածրագրեր, մնացած գումարով ենթածրագրեր կիրականացվեն մարզի գյուղական համայնքներում: Մասնավորապես` Կապանի քաղաքապետարանը նախատեսել է Կապանին տրամադրվելիք 20 մլն դրամից 13 մլն-ը հատկացնել քաղաքի միջով հոսող Ողջի եւ Վաչագան գետերի հուները աղբից մաքրելու աշխատանքների կազմակերպման համար: Կառավարության ծրագիրը մարզում կմեկնարկի ապրիլի երկրոդ կեսիից: Մինչ այդ հանձնաժողովի հաստատմանն են ներկայացվել տասնյակ ենթածրագրեր` մարզի տարբեր տարածաշրջաններից: Կապանի զբաղվածության մարզային կենտրոնի տնօրեն Ռուբեն Պողոսյանի տեղեկատվությամբ, միայն  Կապանի տարածաշրջանում ծրագրերում աշխատելու համար արդեն հաշվառվել է 60-ից ավելի մարդ: