Նկարչական մրցույթ-ակցիա 16-30 տարեկան երիտասարդների համար •    Դուք ազատ եք թե մտահղացման, թե ոճի, թե իրականացման նոր մոտեցումների մեջ •    Ձեզ հնարավորություն կտրվի մեր քաղաքի ամենաանհրապույր վայրերը ներկել Ձեր երևակայության գույներով •    Ձեր նկարներով կփորձենք մարդկանց ուշադրությունը հրավիրել մեր քաղաքի խնդիրներից ամենահրատապներին Եթե դուք պատրաստ եք միանալ մեր ակցիային, գեղեցկացնել մեր քաղաքն ու արժանանալ մրցանակների, ապա` Ազատ ոճով արված Ձեր էսքիզները կարող եք ներկայացնել Հայաստանում վայրի բնության և մշակութային արժեքների պահպանման հիմնադրամ: Հասցեն` Այգեստան 5-րդ փողոց, Ֆիզկուլտուրնիկների 48 Հեռախոս` (010) 55 52 09, (010) 55 21 81 Նախնական էսքիզների ընդունման վերջնաժամկետը ապրիլի 30-ն է: Երկրորդ փուլ անցած էսքիզների հեղինակները մինչև մայիսի 25-ը իրենց նկարները կարտապատկերեն վերը նշված անհրապույր վայրերում. շինարարական` մետաղե և բետոնե եզրապատերի, քաղաքի աղբամանների շուրջ կառուցված պատերի և շենքերի աղբատարերի դռների վրա: Բոլոր անհրաժեշտ պարագաները` ներկեր, վրձիններ, դիմակներ և այլն, տրամադրվում են կազմակերպիչների կողմից: Մրցանակային ֆոնդը կազմում է 1 000 000 ՀՀ  դրամ Մրցույթ-ակցիան իրականացնում է Հայաստանում վայրի բնության և մշակութային արժեքների պահպանության հիմնադրամը (FPWC) Գլխավոր գործընկեր` ՎիվաՍել-ՄՏՍ Աջակիցներ` ՀՀ Մշակույթի նախարարություն Երևանի քաղաքապետարան Հայաստանի նկարիչների միություն