Զինկոմիսարիատի սպային ձերբակալել են` կաշառք վերցնելու համար
Ապրիլի 14-ին ԼՂՀ Ազգային անվտանգության ծառայության եւ գլխավոր դատախազության աշխատակիցները շորթման փաստ են կանխել ԼՂՀ զինկոմիսարիատում: Ինչպես երեկ նշվել է Արցախի հանրային հեռուստատեսությամբ, զինկոմիսարիատի զորահավաքային բաժնի զորահավաքի ծավալման գծով ավագ սպա Արթուր Ասծատրյանը առողջական խնդիրներ ունեցող եւ օրենքի համաձայն զինծառայությունից ազատված 18-ամյա քաղաքացուն համապատասխան նշումով զինվորական գրքույկը տալու համար գումար է պահանջել:
Ապրիլի 14-ին գումարը իր «Օպել- Օմեգա» մակնիշի մեքենայում ստանալուց հետո կապիտանը ձերբակալվեց ազգային անվտանգության ծառայության աշխատակիցների կողմից: Արթուր Ասծատրյանը պնդում էր, թե գրպանից հանված 15 հատ 10 հազարանոցն իրեն պարտք են վերադարձրել: ԱԱԾ աշխատակիցները Ա.Ասծատրյանին թղթադրամների վրա ուլտրամանուշակագույն ճառագայթների ներքո ցույց են տվել գրված կաշառք բառը: ԼՂՀ Զինկոմիսարիատի զորահավաքային բաժնի զորահավաքի ծավալման գծով ավագ սպա կապիտան Արթուր Ասծատրյանի նկատմամբ քրեական գործ է հարուցվել`շորթմամբ կաշառք վերցնելու համար: Այժմ տարվում է նախաքննություն:
Մեկնաբանել