Կառավարությունը այսօրվա նիստի ժամանակ հանձնարարել է «Պետական պարտքի մասին» ՀՀ օրենքին համապատասխան ֆինանսների նախարարին  «Գլենդել Հիլզ» ՓԲԸ-ին տրամադրել բյուջետային երաշխիք: Բյուջետային երաշխիքը կտրամադրվի  որպես 2 մլրդ դրամ հիմնական գումարով, 2 տարի մարման ժամկետով վարկի եւ տարեկան Լիբոր+7 տոկոսադրույքով հաշվարկվող տոկոսների վճարային պարտավորության ապահովման միջոց` անակցեպտ գանձման իրավունքով։ Բանկային համակարգից վարկային միջոցներ ներգրավելու նպատակն է Լոռու եւ Շիրակի մարզերի գյուղական բնակավայրերում համապատասխան պետական գնման պայմանագրով նախատեսված բնակարանային ֆոնդի կառուցապատմումը: Հանձնարարվել է նաեւ` որպես երաշխիք վճարումից ծագող հետադարձ պահանջի ապահովման միջոց, եռամսյա ժամկետում «Գլենդել Հիլզ» ՓԲԸ-ի հետ կնքել 2009թ. հունվարի 16-ին կնքված պետական գնման պայմանագրի շրջանակներում հիշյալ ընկերությանը սեփականության իրավունքով տրամադրված հողամասերի, դրանց վրա իրականացվող բարեփոխումների գրավի պայմանագիր։