ԼՂՀ եւ ՀՀ ԱԺ փոխնախագահները հանդիպել են
Այսօր ԼՂՀ Ազգային ժողովի փոխնախագահ Ռուդիկ Հյուսնունցը հանդիպում է ունեցել կարճատեւ այցով Ստեփանակերտ ժամանած ՀՀ Ազգային ժողովի փոխնախագահ Արեւիկ Պետրոսյանի, պատգամավորներ Սամվել Նիկոյանի եւ Էռնեստ Սողոմոնյանի հետ:
ԱԺ մամուլի ծառայությունը տեղեկացնում է, որ հանդիպմանը շոշափվել են Արցախ-Հայաստան միջխորհրդարանական համագործակցության հարցեր: Այդ համատեքստում, մասնավորապես, անդրադարձ կատարվեց ԼՂՀ եւ ՀՀ խորհրդարանների ոլորտային հանձնաժողովների` մի քանի օր առաջ Ստեփանակերտում տեղի ունեցած համատեղ նիստին:
Գոհունակություն հայտնելով միջոցառման արդյունքների կապակցությամբ, կողմերը հավաստեցին երկու օրենսդիր մարմինների փոխգործակցությունը քննարկումների այդ եւ այլ տարբեր ձեւաչափերով խորացնելու իրենց պատրաստակամությունը:
Զրույցի ընթացքում լրացուցիչ պարզաբանումներ ներկայացվեցին համատեղ նիստում քննության առնված կրթական եւ առողջապահական բնույթի խնդիրների հանրային նշանակության եւ դրանց լուծման հնարավոր ուղիների շուրջ:
Մեկնաբանել