«Գերագույն խորհուրդ-պատգամավորական ակումբ» հկ-ն տարածել է հաղորդագրություն, որտեղ նշված է. Թիմի  խոսքի  և  գործի  ներդաշնակության մասին 16.04.09թ. – Թիմի  գործադիր մասը` Կառավարությունն    իր նիստում,  հավանություն  է տալիս  «Կուսակցությունների մասին» ՀՀ  օրենքի  9-րդ  հոդվածում  լրացումներ անելու  մասին  Թիմի  Արդարադատության  նախարարի  ուշացրած  նախաձեռնությանը, այն է`«Արգելվում է  կուսակցություններին  անձամբ  կամ նրանց անունից  կամ  որևէ  այլ  եղանակով  քաղաքացիներին  անհատույց կամ արտոնյալ  պայմաններով տալ /խստանալ/  դրամ, սննդամթերք, արժեթղթեր, ապրանքներ  կամ  մատուցել /խոստանալ/ ծառայություններ», հետևյալ  հիմնավորումներով` «…կուսակցությունները  մինչև  ընտրությունները  անհատույց կամ արտոնյալ  պայմաններով դրամ, սննդամթերք, արժեթղթեր, ապրանքներ  տալու /խստանալու/  կամ  ծառայություններ մատուցելու /խոստանալու/ միջոցով  շրջանցում են  ընտրական օրենգրքով  սահմանված  արգելքը: Մեր կարծիքով, նման երևույթներն անընդունելի  են, եթե  նույնիսկ դրանք  իրականացվում  են  բարեգործության անվան  տակ: Նման  խնդիրներին  անդրադարձել է  նաև  Սահմանադրական դատարանն  իր  10.06.07թ.  ՍԴՈ  703  որոշմամբ»: 16.04.09թ.-ից սկսած  առ  այսօր  - Թիմի    քաղաքական  մասերից  մեկը` ԲՀԿ-ն  իրականացնում  է  ճիշտ  հակառակ   գործունեություն, այն  է` «Բարգավաճ Հայաստան  կուսակցության»  հովանու  ներքո  2009թ. ապրիլի  20-ից 30-ը Երևանի Էրեբունի բժշկական կենտրոնում, Մալաթիայի հիվանդանոցում և Մոր ու մանկան առողջության պահպանման կենտրոնում կամակերպվում է առողջապահական ակցիա: Ցանկացողները կարող են հերթագրվել իրենց համայնքի ԲՀԿ տարածքային խորհրդի գրասենյակներում, ուր ապրիլի  17-ին և 18-ին կայցելեն բժշկական խմբերը տեղում այցելուների հետ զրուցելու, նախնական զննելու անհրաժեշտության դեպքում ուղեգրեր տրամադրելու համար` ստացիոնար պայմաններում բուժում ստանալու նպատակով» Հուսով  ենք, որ  ընթացող ընտրությունների արդյունքների  ամփոփման ժամանակ, Թիմի  ԿԸՀ-ը, 07.06.09թ.  իր  նիստում,  հաշվի  կառնի  Կառավարության  տեսակետը ԲՀԿ-ի  «անընդունելի»   սույն  գործունեության մասին: