«Ժառանգություն» կուսակցության լրատվական ծառայությունը տեղեկացնում է, որ վաղը` ապրիլի 21-ին, ժամը 14-ին, «Ժառանգություն» կուսակցության երիտասարդ ակտիվիստները եւ համակիրները երթով կանցնեն Սարյանի արձանի հարակից պուրակից մինչեւ Հայաստանում ԱՄՆ դեսպանություն: Ակցիայի նպատակն է դեսպանատան միջոցով ԱՄՆ նորընտիր նախագահ Բարաք Հ. Օբամային փոխանցել ուղերձ, որում կոչ է արվում նրան ճանաչել թե° 1915-1923թթ. Ցեղասպանությունը եւ թե°  Հայոց մեծ հայրենազրկումը: