«Ես իսկապես գեղանկարչության մեծ սիրահար եմ եւ ունեմ մեծ հավաքածու, սակայն բամաբասելն այն մասին, թե իմ հավաքածուում կարող են հայտնվել գողացված գեղարվեստական գրծեր, չափից դուրս անբարոյական է»,- թերթին ասել է ՀՀ նախագահի խորհրդական Անդրանիկ Մանուկյանը` ի պատասխան այն հարցի, թե լրատվամիջոցներից մեկը մեջբերել է անանուն նկարչի խոսքը, որը Ազգային պատկերասրահի Հրազդանի մասնաճյուղից գողացված նկարների մասին նշեց, թե դրանցից մի քանիսը հայտնվել են Ա. Մանուկյանի պահոցներում: «Ոչ մի նման նկարիչ չկա: Բանն այն է, որ այդ լրատվամիջոցի ղեկավարն ինձ հետ ինչ-որ հաշիվներ ունի եւ ամեն առիթով փորձում է մի սուտ հորինել ինձ խայթելու համար,- բացատրեց Ա. Մանուկյանը: - Սակայն դատարան դիմելը կամ հերքում պահանջելը գտնում եմ իմ ոճից դուրս ավելորդություններ, քանի որ դիմացինս կին է` ինչ-որ բանից վիրավորված»: