Հայաստանի եւ Թուրքիայի արտգորնախարարությունները, Շվեյցարիայի արտաքին գործերի դաշնային դեպարտամենտի հետ համատեղ, տարածել են հայտարարություն. «Թուրքիան և Հայաստանը միասին, Շվեյցարիայի միջնորդությամբ, ինտենսիվ աշխատանք են տարել, նպատակ ունենալով կարգավորել իրենց երկկողմ հարաբերությունները և զարգացնել դրանք բարիդրացիական հարաբերությունների ոգով ու փոխադարձ հարգանքով` այսպիսով խթանելով խաղաղությունը, կայունությունը և անվտանգությունը ողջ տարածաշրջանում: Այդ գործընթացում երկու կողմերը ձեռք են բերել շոշափելի առաջընթաց և փոխըմբռնում: Նրանք համաձայնության են հանգել իրենց երկկողմ հարաբերությունների կարգավորման համապարփակ շրջանակի շուրջ երկու կողմերին գոհացնող կերպով: Այս համատեքստում սահմանվել է ճանապարհային քարտեզ: Այս համաձայնեցված հիմքերը դրական հեռանկար են ստեղծում գործընթացի շարունակման համար»,- նշված է հայտարարության մեջ: