Արդեն մի քանի տարի է, ինչ Սյունիքում Եղեռնի տարելիցին նվիրված հիշատակի միջոցառումները սկսվում են ՀՅԴ  երիտթեւի ջահերի երթով: Ապրիլի 23-ին տեղացող հորդառատ անձրեւը չխանգարեց Կապանի «Արամ Մանուկյան» կոմիտեի կազմակերպված ջահերով երթին: Մոտվորապես ժամը 20:30-ին Ցեղասպանությունն դատապարտող կարգախոսներով, ջահերով ու մոմերով, Հայաստանի պետական ու ՀՅԴ դրոշեներով, ՀՅԴ  Կապանի գրասենյակի մերձակայքից դաշնակցականներն ու ոչ դաշնակցականներ շարժվեցին Բաղաբուրջի սարահարթ` Եղեռնի զոհերի հուշահամալիր:  Նրանք մինչ հուշարձան հուշարձան հասնելը, անցան քաղաքի  կենտրոնական թաղամասերով` քաշ տալով Թուրքիայի դրոշը: ՀՅԴ անդամ Վահրամ Ավետիսյանը հավաքվածներին  կոչ արեց` արթնանալու: «Եթե այստեղ այս եղանակին հարյուրավոր մարդիկ են հավաքվել, ուրեմն մեր ձայնը լսելի է: Ուրեմն մի ձեռքին պիտի ջահ լինի, մյուսին` գրիչ, զենք, միկրոֆոն, ով ինչ կարող է: Ու այս ջահերի լույսերը կարթնացնեն բոլորի քնած հոգին ու մեր ձայնը տեղ կհասնի: Ու կհասնի, կարթնացնի Մեդվեդեւին ու Օբամային»,-ասաց Վ. Ավետիսյանը: ՀՀ ԱԺ պատգամավոր, ՀՅԴ ԳՄ ղեկավար Գագիկ Գեւորգյանը իր խոսքում պարզապես շնորհակալություն հայտնեց երիտասարդներին,որ անկոտրում կամք ունեն: «Այսպիսի օրերին ես հասկանում միասնությունն ու համոզվում, որ հաղթելու ենք»,-ասաց ԱԺ պատգամավորը: Քայլարշավին մասնակցեց նաեւ Կապանի քաղաքապետ, ՀՅԴ անդամ Արտուր Աթայանը; Դաշնակացական երգերի ներքո հուշարձանի մոտ հավաքվածները  այրեցին Թուրքիայի դրոշը: