Տեսանյութեր
Լուսանկարներ
Ձորամուտում կառուցվում է ջրամատակարարման համակարգ
Լոռու մարզի Ձորամուտ գյուղում «Հայաստան» հիմնադրամը մեկնարկել է ջրատարի կառուցման ծրագիր, որը ֆինանսավորում է Հիմնադրամի Ֆրանսիայի տեղական մարմինը: Այս մասին հայտնում է հիմնադրամի մամլո ծառայությունը:
Հայաստանի հյուսիսային սահմանում գտնվող Ձորամուտ գյուղում ապրում է շուրջ 310 մարդ, որոնցից շատերը վերաբնակեցված փախստականներ են: Ինչպես տարածաշրջանի մյուս համայնքներում, այստեղ եւս բնակիչներն իրենց ապրուստը վաստակում են անասնապահությամբ եւ հողագործությամբ: Տարիների ընթացքում գյուղի ընդլայնման հետեւանքով ջուրը չի հասնում նորակառույց տներին, իսկ գործող ջրատարն էլ մաշված ու վթարային վիճակում է: Կառուցվող ներքին ցանցի շնորհիվ ջուրը հասանելի կլինի գյուղի բոլոր 120 տնտեսություններին:
«Խմելու ջուր ապահովելով համայնքին` Հիմնադրամը նպատակ ունի առաջին հերթին թեթեւացնել ձորամուտցիների հոգսաշատ առօրյան, սկիզբ դնել համայնքի զարգացմանը»,- նշել է հիմնադրամի գործադիր տնօրենի պաշտոնակատար Արա Վարդանյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել