Երեկ` ժամը 12.10-ի սահմաններում, Սևանի «Հանրային» լողափում` ազդալողանի մոտակայքում, Սևանի ջրափրկարարների կողմից նկատվել են երեք քաղաքացի, որոնք դժվարանում են լողալ և գտնվում են խուճապի մեջ:

Անմիջապես ջրափրկարարները մեկնել են դեպքի վայր և ջրից դուրս բերել Կոտայքի մարզի Լեռնանիստ գյուղի բնակիչներ`1972 թվականին ծնված Կամո Զոհրաբյանին, 1994 թվականին ծնված Շուշանիկ Զոհրաբյանին և1995 թվականին ծնված Հասմիկ Զոհրաբյանին: Ափին` ջրափրկարարների և բուժծառայության աշխատակիցների կողմից, տուժածներին ցուցաբերվել է առաջին բուժօգնություն:

ՀՀ ԱԻՆ լրատվական կենտրոնը տեղեկացնում է, որ տուժածների առողջական վիճակը բավարար է: