Առանց մեզ ընդունված ոչ մի փաստաթուղթ, ոչ մի որոշում չենք ընդունելու
Այս միտքն արտահայտեց ԼՂՀ արտգործնախարար Գեորգի Պետրոսյանը Ազգային ժողովի նիստում` ի պատասխան «Հայրենիք» խմբակցության`Ռուսաստանում նախատեսվող այն նախաձեռնության մասին հարցին, ըստ որի ենթադրվում է նոր` եռակողմ փաստաթղթի ստորագրում:
Արտգործնախարարը հիշեցրեց, որ Մայնդորֆյան հռչակագրի վերաբերյալ ժամանակին արտահայտել են իրենց վերաբերմունքը` ընդգծելով, որ ոչինչ չի կարող որոշվել` առանց Ղարաբաղի մասնակցության: Քաղաքական բանակցություններում` թե՛ ՀՀ-ում եւ թե՛ համանախագահների հետ, ղարաբաղյան կողմը միշտ պնդում է, որ բանակցությունների ձեւաչափը լիարժեք պետք է լինի, ինչը հնարավորություն կտա Ղարաբաղին` ներկայացնելու իր մոտեցումներն ու առաջարկները, սակայն մինչեւ հիմա այդ ուղղությամբ առաջընթաց չի եղել, ինչը թույլ է տալիս ղարաբաղյան կողմին չենթարկվել այդ որոշումներին: Նախարարն ընդգծեց, որ որոշում առանց Ղարաբաղի ժողովրդի չի կարող ընդունվել, եւ այն չի էլ կարող շրջանցել ԼՂՀ գլխավոր օրենքը` Սահմանադրությունը:
Մեկնաբանել