«Քաղաքական որևէ կողմնորոշում, կեցված կարելի է չընդունել, բայց պետք է հարգել, եթե դա համոզմունք է: Բայց այսօր ի՞նչ է տեղի ունենում. թեև հայտարարվել է, որ Ցեղասպանության ճանաչումը Հայաստանի արտաքին քաղաքականության առաջնահերթություններից է, սակայն արվում են, ըստ էության, հակառակ քայլեր:Երևի ժամանակին ավելի անկեղծ էր Լևոն Տեր-Պետրոսյանը, որի վարած քաղաքականության մեջ ավելի առաջնահերթ չէր Ցեղասպանության ճանաչումը, ու նա չէր էլ թաքցնում իր արտաքին քաղաքական կուրսի բուն էությունը: Եվ գիտեիր, թե քաղաքական հակառակորդի դիրքորոշումը որն է, ու դա հաշվի առնելով էիր տանում գաղափարական պայքար: Բայց ազնիվ չէ այսօրվա իշխանությունը, երբ հայտարարում է, թե Ցեղասպանության ճանաչումն առաջնահերթություն է ու անում է դրան հակասող քայլեր»,- թերթի հետ զրույցում ասել է քաղաքագետ Ռուբեն Հակոբյանը: