Տեսանյութեր
Լուսանկարներ
Երեւանից Դոնի Ռոստով` մաքսանենգ հարսանեկան զգեստների խմբաքանակ
Դոնի Ռոստովի մաքսատան աշխատակիցները կասեցրել են ապօրինի կերպով Հայաստանից Դոնի Ռոստով հարսանեկան և երեկոյան զգեստների, ինչպես նաև հարսանեկան պարագաների ներկրման փորձը: «Ինտերֆաքսի» փոխանցմամբ` անցագրային կետի ուղևորների մուտքի մոտ, միջազգային Երևան-Դոնի Դոստով չվերթով ժամանող Հայաստանի 54-ամյա բնակչի մոտ հայտնաբերվել է դեկլարացիայի չենթարկված ապրանք` 12 զգեստ` տարբեր գունային գամմաներով` ասեղնագործված հուլունքներով և արհեստական մագարիտներով, ինչպես նաև հարսանեկան պարագաներ:
Աղբյուրի հաղորդմամբ` ամբողջ ապրանքը, սեփականատիրոջ հավաստմամբ, նա պետք է հասցներ Դոնի Ռոստովի հարսանեկան սրահներից մեկը` հետագա իրացման համար, «քանի որ սկսվել է հարսանիքների ժամանակաշրջան, և զգեստները մեծ պահանջարկ են վայելում»:
Դեպքի առթիվ մաքսանենգության մեղադրանքով հարուցվել է քրեական գործ:
Ապրանքն առգրավված է, ճշտվում է դրա իրական արժեքը, ընթանում է հետաքննություն:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել