Երևանի կենտրոնում բնակարանների գինը, ըստ անշարժ գույքի կադաստրի պետկոմի պաշտոնական տվյալների, թանկացել է: Համաշախարհային տնտեսական ժգնաժամի ընթացքում գրեթե կրկնակի նվազեցին բնակարանի գները Մոսկվայում, դրան մոտ ցուցանիշներ, ըստ մի շարք ռիելթորական կազմակերպությունների տեղեկությունների, արձանագրվել է նաև Երևանում, բացի այդ` գնանկման վարակը տարածվել է Եվրոպայի հիմնական երկրներում, ԱՄՆ-ում: Կադաստրի պետական կոմիտեն երեկ հրապարակած թվերում խոստովանել է, որ նախորդ տարվա նույն ժամանակահատվածի համեմատ առնվազն 30 տոկոսով նվազել է գույքի պահանջարկը, իսկ մայրաքաղաքում երկու տոկոս տան գնի իջեցում են այնտեղ նկատել: Պետք է խոստովանել, սակայն, որ ներկայիս տնտեսության պայմաններում Երևանի կենտրոնում անշարժ գույքի 0,6 տոկոս թանկացումը կադաստրի կոմիտեի նորանշանակ ղեկավոր, Երևանի նախկին քաղաքապետ Երվանդ Զախարյանի բացառիկ հունարի կամ նրա սեփական հաշվարկների արդյունքն է: