Վարչապետ Տիգրան Սարգսյանի որոշմամբ Բագրատ Եսայանն ազատվել է կրթության եւ գիտության նախարարի տեղակալի պաշտոնից եւ այն զբաղեցրել է Մանուկ Մկրտչյանը։ Վարչապետի որոշումներով աշխատանքից ազատվել են նաեւ Դավիթ Երիցյանը` տրանսպորտի եւ կապի նախարարի տեղակալի պաշտոնից, իսկ Հակոբ Մաթիլյանը` բնապահպանության նախարարի տեղակալի պաշտոնից։ Արտակ Չոբանյանը, Արտաշես Նիկոյանը եւ Զոհրաբ Թորոսյանն ազատվել են` համապատասխանաբար, Արարատի, Գեղարքունիքի եւ Լոռու մարզպետի տեղակալի պաշտոններից: Տիգրան Սարգսյանի մեկ այլ որոշմամբ Արթուր Պողոսյանն ազատվել է սպորտի եւ երիտասարդության հարցերի նախարարի տեղակալի պաշտոնից եւ նշանակվել է մշակույթի նախարարի տեղակալ: Իսկ սպորտի եւ երիտասարդության հարցերի նախարարի տեղակալ է նշանակվել Երեւանի պետական համալսարանի պրոռեկտոր Արսեն Քարամյանը։