Տեսանյութեր
Լուսանկարներ
Լավագույն ավանդույթները շարունակվում են
Շաբա օրը պաշտոնապես մեկնարկեց Երևանի ավագանու` մայիսի 31-ին կայանալիք ընտրությունների նախընտրական քարոզարշավը: Հենց առաջին օրը Երևանի տարբեր համայնքներում կայացան ընտրություններին մասնակցող տարբեր կուսակցությունների «հանդիպումներն ընտրողների» հետ:
Եվ եթե իշխանական կուսակցությունների հանդիպումներին մասնակցող տարբեր կուսակցությունների հանդիպումներն առանձնանում էին նրանով, որ «լավագույն ավանդույթների» համաձայն` ավտոբուսով մարդիկ էին բերվում, այ Ազգային կոնգրեսի` երեկ Արաբկիրում տեղի ունեցած հանրահավաքից հետո, էլի ավանդույթի համաձայն, ոստիկաններն արգելեցին քաղաքացիների երթը, որի մասին Երևանի քաղաքապետարանին իրազեկում էր ներկայացվել: Սակայն երեկ լավագույն ավանդույթների շարունակությունն այսքանով չի ավարտվել. «Մոսկվա» կինոթատրոնում ընտրողների հետ հանդիպել է նաև ՀՅԴ-ն, որն էլ հավատարիմ մնալով իր ավանդույթներին, հանդես է եկել «նախընտրական նշանակության ընդդիմադիր հայտարարություններով»:
Եթե ավելացնենք, որ երեկ հրապարակվել է նաև Երևանի ընտրողների թվաքանակի հերթական ուռճացված ցուցանիշը, ապա կարելի է ասել, որ գոնե նախընտրական քարոզչության առաջին երեք օրերի տվյալներով` ամեն ինչ ընթանում է մեր «ավանդական մենթալիտետի» շրջանակներում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել