Այսօր առաջին անգամ պաշտոնական այցով Գյումրիում էր ԼՂՀ վարչապետ, «Ազատ հայրենիք» կուսակցության նախագահ  Արայիկ Հարությունյանը: Վերջինս հանդիպելով  Գյումրիի պետական մանկավարժական ինստիտուտի անձնակազմի եււ  ուսանողների հետ` պատասխանեց մի քանի քաղաքական հարցերի: Ներկաներին հետաքրքրող այն հարցին, թե ի՞նչ դիրքորոշում ունի Արցախի կառավարությունը  «Ճանապարհային քարտեզ» կոչվող փաստաթղթի վերաբերյալ, Արայիկ Հարությունյանն  ասաց. «Իհարեկե, «Ճանապարհային քարտեզ» ասելով, հանրությունը ծանոթ չէ, թե ինչ փաստաթղթի մասին է խոսքը: Մենք ողջունում ենք Հայաստանի Հանրապետության իշխանությունների կողմից իրականցվող ցանկացած քայլ, որը նպաստում է առաջին հերթին Հայաստանի Հանարպետության զարգացմանը, որը նաև հնարավորություն է տալու Արցախի  ճանաչմանը:Առանց հզոր, տնտեսապես անկախ երկրի` հնարավոր չէ ունենալ անկախություն, և եթե նման համագործակցությունները բերելու են ՀՀ տնտեսական զարգացման, սոցիալական լարվածության թուլացման, ժողովրդագրական իրավիճակի բարելավման, աշխատատեղերի ստեղծման, իհարկե, մենք ողջունում ենք: Բայց թե այդ նախնական համաձայնությունը ինչքանով է նպաստելու դրան, մեզ անհրաժեշտ է լինել համբերատար: Վերջնական համաձայանագիր ստորագրված չէ և հստակեցված չեն պահանջները, և մենք պետք է վստահենք մեր երկրի ` Հայաստանի Հանարպետության նախագահին, ով պատասխանատվություն են կրում մեր երկրի արտաքին քաղաքականության համար: Արցախը վստահում է ՀՀ նախագահին, և համոզված է, որ ցանկացած համաձայնություն, պայմանավորվածություն, համաձայնագիր, պայմանագիր առաջին հերթին բխելու է մեր ժողովրդի շահերից»: Իսկ այն հարցին ի պատասխան, թե գերտերությունները ե՞րբ կճանաչեն Արցախի ինքնուրույնությունը, ե՞րբ վերջնականապես կլուծվի Արցախի հարցը, ԼՂՀ վարչապետը հայտարարե. «Մենք լուծել ենք մեր հարցերը: Այսօր Արցախը դե ֆակտո անկախ է, հնարավորություն ունի ազատ արտահայտելու իր կամքը: Մարդու իրավուքների առումով` Արցախը ճանաչված է որպես բավական ազատ երկիր, որտեղ զարգանում է երկիրը, որը ունի հզոր մարտունակ բանակ, և Արցախը իր ձեռքբերած անկախությունը պատրաստ է պաշտպանելու, պատրաստ է դիմակայելու ցանկացած ոտնձգության: Ինչ վերաբերում է, թե երբ են միջազգային տարբեր կազմակերպություններ, տարբեր երկրներ ճանաչելու մեր անկխաությունը, դա թող մտահոգի նրանց: Որովհետև այսօր Արցախը ձեռք է բերել առավելագույնը, և այդ ձեռք բերածը պաշտպանելու համար մենք ջանք չենք խնայելու: Մենք, այսպես ասած` մեր հարցերը լուծել ենք, թող մտածի Ադրբեջանը, թող մտածեն միջազգային կառույցները, գերտերությունները, թե հետագայում ինչպես պետք է անեն, որ տարածաշրջանում լինի խաղաղությունը»: