Երևանի ավագանու ընտրություններում ՀՀ ոստիկանապետ Ալիկ Սարգսյանին հանձնարարվել է առավելագույնս արդյունավետորեն համակարգել ընտրակեղծիքների ողջ մեխանիզմը: Սա առաջին դեպքն է, երբ ընտրական գործընթացների սև գործը դրվում է պետական բարձր պաշտոնյայի վրա: Մինչ օրս ընտրակեղծիքներն իրականացնում և կոորդինացնում էին թաղային հեղինակությունները և քրեական տարրերը, իսկ ոստիկանությունն ուղղակի նրանց օգնում էր: Այս անգամ, սակայն, իշխանությունը որոշել է փոխել իրերի դրությունը. կրիմինալը Երևանում ընդամենը կօժանդակի, իսկ ոստիկանության ղեկավարներն անձնական պատասխանատվությամբ կապահովեն ՀՀԿ թեկնածուի համար բարձր տոկոսների նկարումը: